في القلب نبتاً جف والغيث ماجاء=من قرب غالي مايجينا سحابـــه
ياصاحبي غير الوصل قلتلك لاء=امطر سماء حبك وغيم ضبابه
الهجر ماله طب دامه سبب داء=والشوق موحش سارياً وسط غابه
ماقلت غير الحـــــب لاذاء ولا ذاء=وأنته تشوف الموت عندي مهابــه
حبك زرع والزرع محتاجله مـــاء=متى يلوح البرق ويسقي هضابــه

بندر ترى ليل الشقى صايراً دووم=مابه فرح جانا مع الوقت ساعـــــــه
من تحت قضبان الصدر باحت أعلوم=وضاقت بنا فجاً عليم أتساعــــــــه
العلم جانا والبشر تلحقه لوم=ومدري حقيقه هي ولاإشـــــــــــــــاعـــــــــه
كني كسيراً لاجلس عاجز ايقوم=يطلب من العدوان بعض الشفاعــــــــــــه
وكني خلي الريش عاجز عن الحوم=ماشي مع التيار كني أبضاعــــــــــه
الوقت ظالم قلب والقلب مظلوم=يفرض وقلبي قال سمعاً وطاعــــــــــــــه
والصدر من هم الدهر صار مزحوم=همي مخاويني بلياء قناعــــــــــــــه
متى يزين الوقت لإنسان محرووم=من شوف غالي معلنن له وداعــــــــه
قفى وصدري فيه حباً ومكتوم=في جو صدري حب يمشي لقاعــــــــــــه
لحظة وداعاً زعزعت مني النوم=حتى خفوقي لاعه البعد لاعــــــــــــــه
أول يجيني واصلاً لكن اليوم=صحى خفوقي في فراقه براعـــــــــــــــــــه
مايدري أن الحب في داخلي كوم؟=ومايدري ان الوصل حطم مناعـــــــــه
أجيه قاصد لوم وأحير وأقوم=كن الحكي ماعون والجوف باعــــــــــــــــه
في عيون من حبه عزيزاً ومحشوم=لاعيب في عيني ولاهي براعــــــــــه
أدري ضميري من الهواء صار مسموم=وأدري طبع حبه بصدري طباعه
ياصاحبي هذا القدر شيء مقســـــــوم=تبعد وشوق البعد خيم أشـــــــراعه
واليوم بعدك من هواء الغيد بأصوم=مدام بعدك جاب هم ولكاعــــــــــــــه
أناحر النسمه وأنا الجوف مهمــــوم=وأفك زر الثوب وأرمي قناعــــــــــه
يمكن تبرد جوف من البعد مضيوم=ويمكن تبل أعروق تشكي قطاعـــــــه
يمكن ولا به شيء قد قيل محتوم=إلا فراق الزين كيل بصاعـــــــــــــــــه
واليوم فكوني من الحب ياقوووم=يكفي فراقاً شامعاً في شماعــــــــــــــــه
اسلى وكيف أسلى وأنا القلب مهيوم؟=كني أنا والحب خوة رضاعـــــــــه
ماغاب عن عيني ولازال في دوم=حتى خياله حاظراً كل ساعـــــــــــــه